“Кароль вальса” на сцэне юбілейнага сезона Беларускага дзяржаўнага акадэмічнага музычнага тэатра

23 і 24-га верасня афіша Беларускага дзяржаўнага акадэмічнага музычнага тэатра папоўніцца яшчэ адным яскравым спектаклем-аперэтай “Кароль вальса” на музыку Іагана Штрауса. Яна створана ў лепшых традыцыях жанру, які праславіў знакаміты кампазітар. Менавіта ён надаў аперэце жыццесцвярджальнасць, рамантычную лірыку і сонечны настрой. Сёння госці праграмы “Настрой” з Янай Хадоска і Андрэем Сініцам – ўдзельнікі спектакля, салісты тэатра – Наталля Дзяменцьева і Сяргей Суцько.