«Мой горад. Быхаў», 24.03.2018

Гораду Быхаў Магілёўскай вобласці прысвечана чарговая праграма «Мой горад». Знаходзіцца ён ў 50 кіламетрах ад абласнога цэнтра. Калісьці гэты горад быў прыкладам горада-крэпасці. Многія чулі пра Быхаўскі замак. Менавіта ён – яскравае сведчанне абарончых збудаванняў, якімі быў акружаны горад. Тут жа знаходзілася адна з лепшых у 16-18 стагоддзях майстэрань па вытворчасці гармат. А ўвогуле гораду больш за 600 гадоў. Яго гістарычнаму мінуламу прысвечана першая частка праграмы, якая выйдзе ў эфір 24 сакавіка у 15-20 (паўтор праграмы ў 23-00).