Музычны дзённік. Каб праменьчык таленту на згас... Радыёблог Таццяны Якушавай (аудыё)

Каторы год з набліжэннем лістапада я адчуваю ўсё больш настойлівае хваляванне і, нават, лёгкую трывогу. Гэта штосьці падобнае на пачуцці, якія ўзнікалі калісьці перад асабліва важнымі экзаменамі. Больш за тое, у апошнія дні я не магу пазбавіцца ад настойліва пульсуючых радкоў: «И кружил наши головы запах борьбы, со страниц пожелтевших слетая на нас…» Так. Высоцкі пісаў пра вялікую сілу літаратуры, пра яе здольнасць выхоўваць высакародных рамантыкаў, пераносіць нас у іншы свет… Але ж гэтай магіяй валодае любы від мастацтва, а музыка – асабліва.