“Наш городок Парижу не уступит” -“Рэтра”, 21 верасня 2016

Запрашаем усіх, хто цікавіцца нашым музычным мінулым.
У праграме “Рэтра” у 20.20 пагаворым пра творчасць знакамітага артыста Залмана Храпіновіча, усім вядомага як Зіновій Гердт.
Ён нарадзіўся восьмага верасня, а па старым стылі - дваццаць першага верасня  сто гадоў таму.
Прычым, народнага артыста СССР Зіновія Гердта, мы можам лічыць сваім земляком. Артыст нарадзіўся і жыў да 16 гадоў у гарадку Себеж Віцебскай губерні. Цяпер гэта Себеж Пскоўскай вобласці Расіі.
Безумоўна, усе памятаюць яскравыя кіна і тэатральныя ролі акцёра.
Ну, а ў цэнтры нашай увагі - музычныя творы ў выкананні цудоўнага артыста.