Папялушка – сюжэт, які ніколі не састарэе! – «Настрой!», 12.04.2019

Адна з самых папулярных казак усіх часоў і народаў – гэта гісторыя пра простую, добрую, працавітую дзяўчыну, што пераўтвараецца ў шчаслівую прынцэсу. Папялушка натхняла кампазітараў і мастакоў, спевакоў і танцораў, акцёраў і мультыплікатараў. Аўтары новай музычнай казкі «Чароўны сон Папялушкі», што з'явілася ў рэпертуары Беларускага дзяржаўнага акадэмічнага музычнага тэатра, прапануюць сучасны погляд на вядомы сюжэт. Сёння госці праграмы «Настрой» – стваральнікі прэм'ернага мюзікла з Расіі – рэжысёр-пастаноўшчык Анастасія Сілаева і кампазітар Гельсят Шайдулава. Пачатак сустрэчы – 12 красавіка ў 14-15.