Пра новыя сарты яблык і фундука, Васіля Пашкевіча – беларускага Мічурына, селекцыянераў Сюбаравых і як з'явіліся «дыямент», «красавіта» і «крапач» – «Галерэя», 16.06.2019 (аўдыё)

Госця праграмы «Галерэя» – доктар сельскагаспадарчых навук, прафесар, загадчык лабараторыі Інстытута пладаводства Нацыянальнай акадэміі навук Беларусі Зоя Казлоўская. Кожная гісторыя Зоі Аркадзьеўны – гэта ў нечым і гісторыя Інстытута, праца ў якім стала справай яе жыцця! Дарэчы, у мінулым годзе Бюро прэзідыума Нацыянальнай акадэміі навук Беларусі адзначыла групу вучоных Інстытута пладаводства за стварэнне гібрыднага фонду яблыні. Тым самым яны ўвайшлі ў топ-дзесяць лепшых вынікаў у галіне фундаментальных і прыкладных даследванняў. А сорт яблыкаў «крапач», выведзены прафесарам Казлоўскай з аднадумцамі, названы ў гонар яе малой радзімы! Праграма «Галерэя» у эфіры – 16 чэрвеня ў 11-00.