Пра рэкорды беларускіх кавуноў, маліны і суніц - “Свая зямля” 21 верасня ў 6:20

Сёлета добры ўраджай кавуноў вырасцілі на Гомельскай абласной доследнай сельскагаспадарчай станцыі. Некаторыя экземпляры важаць амаль 20 кілаграмаў. Такіх «рэкардсменаў» вучоныя атрымалі за кошт сістэмных падкормак і адабраных сартоў. Перавагу аддавалі ўстойлівым да перападаў тэмпературы. Па выніках трох сезонаў лідзіруе гібрыд “Раманза”. Канкурыраваць з імпартнымі кавунамі дапамагае эфектыўны спосаб вырошчвання. Як вырасціць «рэкардсмена», спецыялісты раскажуць у праграме «Свая зямля» у суботу 21 верасня у 6:20 на Першым нацыянальным канале Беларускага радыё (паўтор перадачы слухайце а 23-й гадзіне). На фота: загадчык лабараторыі пладаводства Гомельскай абласной доследнай сельскагаспадарчай станцыі Сяргей Каламоец