Прагнозы хлебаробаў на пасяўную — «Свая зямля», 16.04.2018

Масавую сяўбу ранніх яравых вядуць гаспадаркі Стаўбцоўскага раёна, уся тэхніка занята ў полі. Паскорыць тэмпы дапамагаюць гарадскія прадпрыемствы і арганізацыі. Высокапрадукцыйныя трактары максімальна задзейнічаны падчас падрыхтоўкі глебы і сяўбы ячменю і пшаніцы. У гэтым сезоне на 40 працэнтаў у структуры павялічана плошча пад кармавыя культуры. Наколькі такія змены паўплываюць на эканоміку сельгаспрадпрыемстваў? Што хвалюе хлебаробаў у адказны перыяд закладкі будучага ўраджаю? На гэтыя і іншыя пытанні адкажуць госці праграмы «Свая зямля», 16 красавіка, у 6-20, на Першым нацыянальным канале Беларускага радыё.