“Радыёфакт” з Аляксандрам Шустэрам, 25.09.2017 (аўдыё)

Асноўныя тэмы праграмы: ад паглыблення прамысловай кааперацыі да паставак тэхнікі – Беларусь і Чачэнская Рэспубліка абмяркуюць перспектывы супрацоўніцтва; траекторыя росту: за кошт чаго машынабудаўнікі павялічваюць вытворчасць і продажы, высвятляла Алена Швайко. Партыя Ангелы Меркель выйграла выбары ў бундэстаг – хрысціянскія дэмакраты набралі трэць галасоў. "Мінскводаканал" губляе чвэрць вады. Што стала прычынай страт, і хто аплачвае няўлічаныя аб'ёмы? Нязручныя пытанні кіраўніцтву задала Вольга Сямашка. З пачатку канфлікту ва Украіне ў Беларусь пераехалі больш за 100 тысяч чалавек. Як дапамагаюць вымушаным перасяленцам? Рэпартаж з Магілёўскай вобласці. Вызначыць асноўныя задачы навукі і эканомікі. Як у Беларусі ідзе падрыхтоўка да Другога з’езду вучоных, ведае Надзея Скараход. Тыдні Германіі праходзяць у Беларусі. Якія падзеі нельга прапусціць, раскажа Наталля Баўкалава. Любімец публікі Сяргей Бязрукаў прадставіў у Мінску новы фільм і даў інтэрв’ю нашаму карэспандэнту Сяргею Верасу. Навіны з жыцця краіны і свету больш падрабязна, а таксама пра спорт і надвор’е.