«Радыёфакт» з Вольгай Сямашка, 15.06.2018 (аўдыё)

Сёння ў праграме: месяц футболу вышэйшага класу — у Расіі пачаўся 21-ы чэмпіянат свету; рашэнне пра ператварэнне Беларусі ў свабодную фінансавую гавань павінна стаць гістарычным — у парламенце абмеркавалі Дэкрэт аб развіцці лічбавай эканомікі. Румынія зацікаўленая ва ўмацаванні стасункаў Беларусі і ЕС. Дзве Карэі пачалі ваенныя перамовы для зніжэння напружанасці на паўвостраве, і гэта яшчэ адзін вынік саміту КНДР-ЗША. Якіх яшчэ геапалітычных зрухаў можна чакаць пасля гэтай сустрэчы? Нацыянальны банк можа знізіць стаўку рэфінансавання – рашэнне чакаецца на наступным тыдні. Беларускі медыкі ў выхадныя адзначаць прафесійнае свята, а напярэдадні ў сталіцы назвалі лепшых у прафесіі. Англійская мова, мода, кухня і музыка — заўтра у Верхнім горадзе Вялікі брытанскі фестываль. Навіны з жыцця краіны і свету больш падрабязна, а таксама пра спорт і надвор'е.