news.by
Шаўцоў: большасць украінцаў, якія прыбылі ў Беларусь, не плануюць вяртацца
Падзяліцца:
20 ліпеня 2022
Бежанцы з Украіны ў асноўным разглядаюць Беларусь у якасці канчатковага пункта свайго маршруту. Аб гэтым у эфіры Беларускага радыё расказаў генеральны сакратар Беларускага Чырвонага Крыжа Дзмітрый ШАЎЦОЎ.«Мы нядаўна праводзілі анкеціраванне – каля 80% украінцаў, якія знаходзяцца ў Беларусі, не плануюць вяртацца. Яны хочуць застацца і ў далейшым жыць са сваімі сем'ямі на нашай тэрыторыі.
Пераважная большасць [грамадзян Украіны] прыбывае ў Беларусь да кагосьці: сваякоў, сяброў. Пасля 2014 года вялікая колькасць людзей адтуль ужо прыбыла да нас – каля 150 тысяч. Частка, вядома, вярнулася, але многія засталіся і працягваюць жыць у Беларусі».
Больш цікавага ў нашым тг-канале: https://t.me/belradio_1
