Ці выгадна прадаваць усю бульбу, капусту і моркву зараз? – «Свая зямля», 10.11.2018

Сёлета добры ўраджай гародніны вырасцілі ў фермерскай гаспадарцы «Арлавец» Лідскага раёна – высакаякасную бульбу, моркву, сталовыя буракі і капусту ахвотна закупляюць прадпрыемствы гандлю Гродзенскай вобласці. Удвая выраслі заказы ад расійскіх партнёраў. Але не ўся прадукцыя па рэкамендацыі галоўнага бухгалтара Алены Арлавец прадаецца восенню. Адпаведна яе прагнозам, дадатковы даход атрымае гаспадарка ад рэалізацыі позніх сартоў гародніны ў міжсезонны перыяд. Выношваюць планы ўсе прадстаўнікі сямейнага бізнесу па абнаўленні парку машын, а таксама ўзвядзенні сучаснага сховішча. Гатовыя выкупіць старыя збудаванні мясцовага сельгаспрадпрыемства і пашыраць спецыялізацыю. Што сёння стрымлівае ініцыятыву сельскіх бізнесменаў? Падрабязнасці – у праграме «Свая зямля», 10 лістапада ў 6-20 (паўтор у 23-00).