«Творчы вечар» з Алінай Страшкевіч, 14.12.2017

У канцы 30-х мінулага стагоддзя ён быў самым папулярным кампазітарам у свеце, і мог стаць піяністам, юрыстам або крытыкам, але ў гісторыі застаўся непераўзыдзеным майстрам аперэты і сапраўдным «каралём шлягераў» – сёлета музычны свет адзначае 135 гадоў з Дня нараджэння Імрэ Кальмана. Пра жыццё і творчасць славутага венгерца сёння ў «Творчым вечары» вядучая Аліна Страшкевіч пагаворыць з гасцямі – народнай артысткай Беларусі Наталляй Гайда і галоўным дырыжорам Беларускага дзяржаўнага акадэмічнага музычнага тэатра Юрыем Галясам. Не прапусціце цікавую размову на хвалях Беларускага радыё у 21-05 у прамым эфіры!