«Творчы вечар» з Алінай Страшкевіч, 11.12.2018

Скарпіа ў пучыньскай оперы «Тоска» і Іаканаан у «Саламеі» Рыхарда Штрауса – менавіта ў гэтых вобразах мы ўбачым Станіслава Трыфанава на сцэне Вялікага тэатра Беларусі ў межах Каляднага опернага форуму-2018. Грандыёзная вакальная падзея пройдзе ў Мінску з 13 па 21 снежня. Ну а сёння заслужаны артыст Беларусі – госць аўтара праграмы «Творчы вечар» Аліны Страшкевіч. Свае пытанні, дарэчы, у рэжыме онлайн змогуць задаць і слухачы Першага нацыянальнага. Кароткі нумар для смс-паведамленняў – 1062, тэлефон студыі прамога эфіру – (017) 284-87-21. Пачатак эфіру – 11 снежня ў 21-05.