«Творчы вечар» з Галінай Шаблінскай, 13.06.2019 (аўдыё)

Сённяшняя кніжная індустрыя дае нам шматлікія прыклады розных дзіцячых выданняў: класікі і сучасных аўтараў, з цудоўным мастацкім афармленнем, самых нечаканых фарматаў – ад кішэнных да энцыклапедычных. Усё гэта толькі падкрэслівае думку, што праз гады кніга для дзяцей не згубіла сваёй асветніцкай і выхаваўчай ролі. Яна па-ранейшаму застаецца неад’емнай часткай маленства. «Дарослыя праблемы дзіцячай літаратуры» – так вызначана тэма літаратурнага «Творчага вечара». Госці студыі – пісьменнікі Уладзімір Мазго, Генадзь Аўласенка, Кацярына Хадасевіч-Лісавая, Тамара Бунта. Эфір – 13 чэрвеня ў 21-05.