«Творчы вечар» з Віктарам Кісцянём, 23.04.2018

Канцэртуючая піяністка Таццяна Бакланава-Філі з Францыі 23 красавіка стане гераіняй «Творчага вечара з Віктарам Кісцянём». 19-га красавіка ў Беларускім Саюзе кампазітараў яна прадставіла сольную фартэпіянную праграму, а таксама правяла майстар-клас для ўсіх жадаючых. У ім узялі ўдзел вучні мінскіх дзіцячых музычных школ, а таксама студэнты Беларускай дзяржаўнай акадэміі музыкі. Акрамя таго, піяністка шмат распавядала пра свой досвед выкладання фартэпіяна ў Расіі, ЗША і Францыі. Найбольш цікавыя фрагменты творчай сустрэчы слухайце ў панядзелак, 23 красавіка, у 21-05, на Першым нацыянальным канале Беларускага радыё.