«Творчы вечар» з Янай Хадоска, 6.12.2017

«Тэатр XXI стагоддзя» – тэма праграмы. Гэта відавочна, што тэатральнае жыццё Беларусі насычана яркімі фестывальнымі падзеямі, а майстры сцэны прыязджаюць у Беларусь, каб прадставіць на суд тэатральных дзеячаў і гледачоў свае лепшыя работы. Аўтар праграмы Яна Хадоска прапануе пагаварыць пра тэатр сённяшняга часу. Яе госці – яркія творчыя асобы: галоўны рэжысёр камернага драматычнага тэатра Наталля Башава, акцёры тэатра і кіно Святлана Нікіфарава і Валерый Кашчэеў, а таксама харэограф Беларускага дзяржаўнага акадэмічнага музычнага тэатра Сяргей Мікель. Пачатак праграмы – у 21-05.