"На Беларусі з ХІІ стагоддзя існаваў культ філалогіі", – Іван Саверчанка ў “Актуальным мікрафоне” ад 1 верасня (аўдыё)

Дзень беларускага пісьменства штогод адзначаецца ў нашай краіне ў першую нядзелю верасня. Традыцыйна свята праводзіцца ў гарадах-цэнтрах асветы, культуры і кнігадрукавання, месцах з багатай гістарычнай спадчынай, з якімі звязаныя жыццё і дзейнасць вядомых нашых дзеячаў розных часоў. Упершыню яно праведзена ў 1994 годзе ў Полацку, і сёлета Дзень беларускага пісьменства вярнуўся ў гэты старажытны горад. У студыі “Актуальнага мікрафону” з Вольгай Сямашкай і Дзмітрыем Рубашным дырэктар філіялу “Інстытут літаратуразнаўства імя Янкі Купалы” Нацыянальнай акадэміі навук Беларусі, доктар філалагічных навук, прафесар Іван Саверчанка.