Падзяліцца:
ВОРОНЮК: "Палитра белорусов - она действительно очень яркая"
5 Красавіка 2021
ВОРОНЮК: "Палитра белорусов - она действительно очень яркая"

2 красавіка адкрылася вясновая сесія парламента. Ад недапушчальнасці гераізацыі нацызму да абароны персанальных даных. Больш за 10 законапраектаў разгледзелі на першым пасяджэнні дэпутаты. Асобнае месца — пытанню тэрытарыяльнай цэласнасці і народнага адзінства Беларусі.

Пра важнасць маладзёжнай палітыкі і яднанне беларускага народа. Сваё меркаванне карэспандэнту Беларускага Радыё выказаў член Савета Рэспублікі Нацыянальнага сходу Рэспублікі Беларусь сёмага склікання, першы сакратар ГА «Беларускі рэспубліканскі саюз моладзі» Дзмітрый Варанюк.

Пра важнасць маладзёжнай палітыкі

Маладзёжная палітыка, у тым ліку ў дзейнасці парламентарыяў, вельмі важная. Я лічу, што патрыятычнае выхаванне і маладзёжная палітыка — непарыўна звязаныя з шэрагам законапраектаў і нарматыўных прававых актаў, якія будуць зацвярджацца і прымацца ў Савеце Рэспублікі.

Кожны сенатар сёння выразна разумее свае задачы. Мы з калегамі абмяркоўвалі якія сустрэчы дзе пройдуць, як важна сёння чуць і слухаць моладзь. Самае галоўнае не толькі чуць і слухаць, але і абавязкова дапамагаць у вырашэнні тых ці іншых пытанняў, дапамагаць з рэалізацыяй ініцыятыў.

Беларуская моладзь — выдатная

У яе вельмі шмат ёсць ініцыятыў і ідэй. Самае галоўнае своечасова нам ім падказаць. Мы павінны быць адкрытыя, ісці ў калектывы, працягнуць гэтую працу. Упор на моладзь. Гэта абсалютна карэлюе з усёй працай, што мы ў прынцыпе праводзілі.

Мы цяпер разумеем канкрэтныя арыенціры і ўпэўненыя, што вынікі не прымусяць сябе доўга чакаць.

У моладзі сапраўды шмат ідэй, калі мы аб'яднаем усе гэтыя намаганні ў чарговы раз, у год яднання, то зможам дасягнуць неабходных вынікаў па развіцці нашай краіны і, у тым ліку, па развіцці юрыдычных аспектаў у частцы прыняцця законапраектаў.

Палітра беларусаў яна сапраўды вельмі яркая

Калі быў абвешчаны год народнага адзінства, Прэзідэнт сказаў вельмі мудрыя словы пра тое, што мы вельмі цікавая нацыя, мы зусім розныя. Палітра беларусаў сапраўды вельмі яркая — мы ўсе розныя з рознымі думкамі (быць можа, перакананнямі і эмоцыямі), але мы ўсе павінны быць адзіныя. Адзіныя ў парыве зрабіць нашу краіну яшчэ лепш, адзіныя ў парыве несці адказ за свае словы, ўчынкі і канкрэтныя справы.

Сёння ў рамках Года адзінства вельмі шмат праходзіць самых розных ініцыятыў, якія аб'ядноўваюць моладзь. Мы ўсё роўна робім адну вялікую справу. Кожны павінен у гэтай справе разумець канкрэтныя свае задачы, разумець, што ён робіць і як.

На сустрэчах з калектывамі як сенатар я заўсёды паўтараю адно: калі кожны будзе займацца сваёй справай і рабіць сваю справу добра, тады разам мы зможам прыйсці да сур'ёзных добрых вынікаў. У гэтым ёсць сэнс Года адзінства. Нам трэба працягваць быць адзінымі, аб'ядноўвацца плячом да пляча, працягваць будаваць нашу прыгожую, выдатную Беларусь.

Каб пакінуць каментар, аўтарызуйцеся:
Войти как пользователь
Вы можете войти на сайт, если вы зарегистрированы на одном из этих сервисов: