Вялікія гастролі калінінградскіх акцёраў у Мінск – «Настрой!», 15.03.2019

«Маўглі», «Дракула», «Лялькі сен'ёра Пігмаліёна», «Піжама на чацвярых», «Прымадонны» – такія яркія назвы спектакляў з'явіліся на тэатральных афішах. 15 сакавіка ўпершыню Калінінградскі абласны драматычны тэатр пачынае свае гастролі ў нашай сталіцы на сцэне Беларускага дзяржаўнага акадэмічнага музычнага тэатра. Нашы госці з Расіі пакажуць беларускаму гледачу свае лепшыя пастаноўкі, створаныя апошнім часам як для дзяцей, так і для дарослых. А тым часам трупа беларускага музычнага тэатра парадуе калініградцаў сваёй творчасцю. Сёння госці прамога эфіру праграмы «Настрой!» – мастацкі кіраўнік Калініградскага драмтэатра, заслужаны работнік культуры Расіі Міхаіл Андрэеў і акцёр тэатра, заслужаны артыст Расійскай Федэрацыі Анатоль Лукін. Пачатак – 15 сакавіка ў 14-10.