Падзяліцца:
23 Мая 2016

Да 90-годдзя з дня нараджэння заслужанага артыста Рэспублікі Беларусь, былога дыктара Беларускага радыё Іллі Кургана з 23 па 29 мая ў эфіры Першага нацыянальнага канала пройдзе “Юбілейны тыдзень”.

Яго называлі беларускім Левітанам, старэйшае пакаленне цудоўна памятае выключны аксамітны голас Ільі Кургана – 40 гадоў ён самааддана служыў беларускаму эфіру. У яго вучыліся маладыя калегі, да яго заўваг прыслухоўваліся і дыктары, і акцёры, і журналісты. Прафесійная павага і аўтарытэт у старэйшага дыктара Беларускага радыё былі бездакорнымі. У фондах Беларускага радыё захоўваюцца радыёспектаклі і пастаноўкі з удзелам І.Кургана, а таксама шмат цікавых запісаў мастацкіх твораў у яго  выкананні.

На працягу “Юбілейнага тыдня” ў “Тэатры Беларускага радыё” прагучаць:

23 і 24 мая - радыёпастаноўка  “Іван Світаннік” па матывах беларускай народнай казкі. Рэжысёр – Зінаіда Браварская.  Ад аўтара - Ілля Курган. Год запісу - 1986.

25 мая - пачатак вядомай паэмы Адама Міцкевіча “Пан Тадэвуш”. Пераклад Язэпа Семяжона. Выканаўца - Ілля Курган. Год запісу – 1995.

26 мая – фрагмент аповесці пісьменніка Кузьмы Чорнага “Скіп’ёўскі лес”.  Выканаўца – Ілля Курган.  Год запісу – 1996.

27 і 28 мая – радыёспектакль “Аварыя” паводле аднайменнай аповесці швейцарскага пісьменніка Фрыдрыха Дзюрэнмата. Рэжысёр Ігар Лапцінскі. У ролі суддзі Верге –  Ілля Курган. Год запісу - 1996.  

29 мая - фрагмент вядомай аповесці пісьменніка Уладзіміра Караткевіча “Чазенія”. Выканаўца - Ілля Курган. Год запісу – 1996.

Пачатак эфіру - у 22:05.
Каб пакінуць каментар, аўтарызуйцеся:
Войти как пользователь
Вы можете войти на сайт, если вы зарегистрированы на одном из этих сервисов: