Захапляльны працэс жывога музіцыравання ў "Траекторыі гуку" 30 ліпеня 2016 года

Кожную суботу ў 21 гадзіну з Вялікай студыі Дома радыё выходзіць у эфір праект “Траекторыя гуку”. Слухачам прапануецца адчуць захапляльны працэс жывога музіцыравання. 30 ліпеня ў Вялікую студыю завітае саліст Нацыянальнага акадэмічнага Вялікага тэатра Рэспублікі Беалрусь, лаўрэат шматлікіх міжнародных конкурсаў, лаўрэат трох Гранд-прэмій Спецыяльнага фонду Прэзідэнта па падтрымцы таленавітай моладзі, адзін з пераможцаў папулярнага тэлепраекта “Вялікая опера” Ілля Сільчукоў. Артыст выканае арыі з папулярных опер і рамансы Алега Чыркуна на словы Андрэя Скарынкіна, а таксама падзеліцца навінамі творчага жыцця.