Намеснік кіраўніка МЗС: няма міру і бяспекі – няма развіцця

Намеснік міністра замежных спраў Беларусі Юрый Амбразевіч выступіў на пасяджэнні сегмента высокага ўзроўню рэгіянальнага форуму ЕЭК ААН па ўстойлівым развіцці. «Гэта ясная формула, сакрэт вырашэння якой заключаецца ў неабходнасці ўліку інтарэсаў абсалютна кожнай дзяржавы ў сферы бяспекі. Жыццё даказвае справядлівасць такіх сцвярджэнняў для канцэпцыі ўстойлівага развіцця. Сітуацыя ва Украіне з'яўляецца лішнім пацвярджэннем», – адзначыў Амбразевіч.

На думку намесніка кіраўніка МЗС нашай краіны «непадзельнасць інтарэсаў бяспекі ёсць нагляднае адлюстраванне сапраўднага ўзроўню ўзаемазалежнасці краін у сучасным свеце і яе ўскладненасці характарам бягучых выклікаў ад каронавіруса і змены клімату, да тэрарызму і інфармацыйнай адкрытасці грамадстваў».

Больш цікавага ў нашым тг-канале: https://t.me/belradio_1